తెలుగులో మనకి నెలల పేర్లు ఉన్నా, ఈ రోజుల్లో లౌకిక వ్యవహారాలలో వీట్లని మనం అనుసరించకపోవడం వల్ల, ఏ నెల ఎప్పుడొస్తుందో ఎప్పుడు వెళ్తుందో మనకి తెలీదు. కానీ వీటికి ఉన్న ఒక మినహాయింపు ఆషాఢమాసం. దానికి కారణం ఆషాఢమాసం పేరుతో దండిగా వ్యాపారం చేసుకునే బట్టల దుకాణాలవాళ్ళ వ్యాపార ప్రకటనలే.
ఈ సంవత్సరం ఆషాఢమాసం వచ్చిందని తెలియగానే నాకు మేఘసందేశం సినిమాలోని ఈ పాట గుర్తొచ్చింది. దానితో కాళిదాసు మేఘసందేశం గురించి తెలుసుకోవాలని ఉత్సాహం కలిగింది. ఉండబట్టలేక సాహిత్యం గూగుల్ గుంపులో అడిగేసరికి పద్మ గారు ఆ కావ్యం గురించిన వివరాలు అందచేసారు.
ఆవిడ మాటల్లో : “మేఘదూతా కావ్యానికి తెలుగులో అతి చక్కని, సరళమైన వ్యాఖ్యానం రాసింది రామవరపు శరత్ బాబు, శోంఠి శారదాపూర్ణ గార్లు. వీళ్లిద్దరూ విశ్వనాథవారికి శిష్య ప్రశిష్యులు, వరుసగా. ఈ పుస్తకంలో ప్రతి శ్లోకానికి ప్రతిపదార్థ తాత్పర్యాలే కాకుండా, పదచ్ఛేద, అన్వయాలు, “శ్రీకాళా” వ్యాఖ్య కూడా ఉంది. ఆనందలహరి, విశాఖపట్టణం వారి ప్రచురణ. ఈ పుస్తకం నేను ‘98 లో అట్లాంటాలో జరిగిన మొదటి అమెరికా తెలుగు సాహితీ సదస్సులో కొన్న గుర్తు. విశాలాంధ్రలో కూడా దొరకచ్చు.”
ఈ వివరం చూసి నేను ఆన్లైన్ గ్రంధాలయంలో వెతికితే శరత్బాబుగారి పుస్తకం దొరికేసింది.
మేఘదూతం కావ్యాన్ని చదవాలనీ, కాళిదాసు “ఉప్మా” రుచి చూడాలనీ ఆసక్తి ఉండి, సంస్కృతానికీ గ్రాంధికానికీ భయపడే నాలాంటి వాళ్ళకి గొప్ప కానుక ఈ పుస్తకం. ప్రతీ శ్లోకానికీ సరళమైన వ్యావహారిక భాషలో అర్ధం,వ్యాఖ్యానం ఉన్నాయి. దీనివల్ల కావ్యాన్ని సంపూర్ణంగా ఆస్వాదించగలగడమే కాక, మన భాషాజ్ఞానాన్ని కూడా పెంచుకోగలుగుతాం. ఇటువంటి పుస్తకాలు మరిన్ని రావాలని నా ఆశ.
మంచి పుస్తకం అందించినందుకు కృతఙ్ఞతలు
వ్యాఖ్య�వ్యాఖ్యలు ద్వారా vaagdevi — జులై 22, 2007 @ 9:53 అపరాహ్నం |
శ్రీరామ్ నువ్విచ్చిన లింకులో ఏమీ రావట్లేదు. కొంచెం చూసి సరైన లింకు ఇవ్వగలవా? ఇదే కాదు…అముక్తమాల్యద కూడా సరళ తెలుగు అర్థాలతో చదవాలని ఆశ.
వ్యాఖ్య�వ్యాఖ్యలు ద్వారా నవీన్ గార్ల — ఆగష్టు 5, 2007 @ 4:46 అపరాహ్నం |
నేనిచ్చిన లంకె సరి ఐనదేనండీ. సర్వర్ పనిచేయట్లేదు అంతే.
ఒక పని చెయ్యండి: http://dli.iiit.ac.in/ కి వెళ్ళి Author= ramavarapu అని వెతకండి దొరుకుతుంది.
వ్యాఖ్య�వ్యాఖ్యలు ద్వారా Sriram — ఆగష్టు 5, 2007 @ 11:33 అపరాహ్నం |
శ్రీరామా, మీ సమావేశపు వివరాలు ఈ తెలుగులో చాలా చక్కగా రాశావు. మీరు చర్చించిన విషయాలు ఆసక్తికరంగానూ, కార్యాచరణలో పెట్త వలసినవిగానూ అనిపించాయి. కాస్త ఓపిక చేసుకుని ఆ విషయాల గురించి ఇంకొంచెం రాస్తే బావుంటుంది.
వ్యాఖ్య�వ్యాఖ్యలు ద్వారా కొత్త పాళీ — ఆగష్టు 7, 2007 @ 12:21 పూర్వాహ్నం |
గురువుగారూ తప్పకుండా. గృహిణుల గురించిన విషయంపై తెలుగుబ్లాగరుల గుంపులో రాసాను చూడడి. మిగిలిన అంశాలపై త్వరలో నాబ్లాగులోనే రాస్తాను.
వ్యాఖ్య�వ్యాఖ్యలు ద్వారా Sriram — ఆగష్టు 8, 2007 @ 12:37 పూర్వాహ్నం |
sriram garu,
plese try for cd MEGHADUTHAM released by musictoday.kalidasa slokas were sung by Hariharan and kavithakrishnamuthy and music rendered by chowrasia if Iam correct.listening it was a great experience
SRIRAM VELAMURI
వ్యాఖ్య�వ్యాఖ్యలు ద్వారా sriram velamuri — ఆగష్టు 8, 2007 @ 4:04 అపరాహ్నం |
Thanks sriram for this wonderful piece of information. i shall try for this CD sometime…
వ్యాఖ్య�వ్యాఖ్యలు ద్వారా Sriram — ఆగష్టు 8, 2007 @ 6:28 అపరాహ్నం |